ОСНОВНИ ПОИМИ ВО ОСИГУРУВАЊЕТО

29 Јун ОСНОВНИ ПОИМИ ВО ОСИГУРУВАЊЕТО

• ПОЛИСА
  Документ кој договорните страни го потпишуваат при склучување на договорот за осигурување
• ОСИГУРЕНИК
  Лице чијашто одговорност е покриена со договорот за осигурување, а кај осигурувањето лица, лице од чијашто смрт или повреда зависи настанувањето осигурен случај
• ОСИГУРУВАЧ
  Правно лице, акционерско друштво, чија дејност е осигурување
• НЕСРЕЌЕН СЛУЧАЈ
  Секој ненадеен и независен настан од волјата на осигуреникот што предизвикува последици како негова смрт, потполн или делумен инвалидитет, привремена неспособност за работа или оштетување на здравјето коешто бара лекарска помош
• ОСИГУРЕН СЛУЧАЈ
  Настан од чие случување почнува остварување на ризикот кој е опфатен со осигурување. Можните осигурени случаи се дефинирани во условите за секој вид осигурување, а во секој договор за осигурување поединечно се наведени сите осигурени ризици
• ВАЖНОСТ НА ОСИГУРУВАЊЕТО
  Дата со која почнува да важи договорот за осигурување. Истекот на важење на осигурувањето е дата после која осигурувачот повеќе не е во обврска
• ПРЕМИЈА
  Износ што договарачот на осигурување е должен да му го плати на осигурувачот врз основа на договор за осигурување. Често се среќава и како цена на осигурување
• УСЛОВИ НА ОСИГУРУВАЊЕ
  Збир на клаузули со кои детално се уредуваат односите помеѓу осигурувачот и осигуреникот од договорот за осигурување. Тие се составен дел од договорот за осигурување и затоа нивното познавање е важно за разбирање на правата и обврските што произлегуваат од одреден вид осигурување
• ДОГОВОРЕНА СУМА
  Износ до којшто осигурувачот има обврска за обесштетување при настанување осигурен случај
• ФРАНШИЗА
  Учество на осигуреникот во штета. Под франшиза се подразбира износ предвиден со договорот за осигурување до кој штетата од осигурување не се надоместува и покрај тоа што таа штета е покриена со осигурувањето